ރަށުކައުންސިލްގެ ރައީސްކަން ލިބިއްޖެނަމަ

ދުނިޔޭގެ ކޮންމެ ދިމާއަކަށް ބަލައިލިއަސް ފެންނަނީ ހުނަރުވެރި ޒިންމާދާރު ހިންގުންތެރިންނެވެ. ހަމައެހެންމެ މި ކުޑަކުޑަ ދިވެހިރާއްޖެއަށް ބަލައިލި  ކަމުގައި ވިޔަސް ފެންނަނީ ހުނަރުވެރި ހީވާގި ހިނަގުންރެތިންނެވެ. ހަމަ އެފަދައިން އަޅުގަނޑަކީވެސް މިފަދަ މަޤާމެއްގައި ހުންނަން ބޭނުންވާ މީހަކީމެވެ. ވީމާ އަޅުގަނޑަށް ރަށުކައުންސިލްގެ ރައީސްކަން ލިބުމަކީ އަޅުގަނޑު ދެކެމުން އަންނަ ހުވަފެނެކެވެ.

އަޅުގަނޑަށް ރަށުކައުންސިލްގެ ރައީސްކަން ލިބިއްޖެނަމަ އެހީއަށްބޭނުންވާ ކުދިންނަށް ޙާއްސަ މަރުކަޒެއް އެޅުމާއި، ސްކޫލް ލައިބަރަރީއަށް އިތުރު ވަޞީލަތްތަކާއި ފޮތް އިތުރުކުރުމާއި، ޕްރީސްކޫލް ތައް އިތުރުކުރުމާއި، ސިއްޙީ މަރުކަޒަށް އިތުރު ވަޞީލަތްތަކާއި ހުނަރުވެރި ޑޮކަޓަރުން އިތުރުކުރުމަކީ ހައްތަހާވެސް އަޅުގަނޑު ކުރަން ބޭނުންވާ ކަންތައްތަކެވެ.

ރަށުގައި އުޅޭ އެހީއަށް ބޭނުންވާ ކުދިންނަށް ޙާއްޞަ މަރުކަޒެއް އެޅުމަކީ އަޅުގަނޑު ކުރަން ބޭނުންވާ ކަމެކެވެ. އެކުދިންނަށް ތިންއިރުގެ ކެއުމާއި، ލާނެ ހެދުމާއި، ކިޔެވުމާއި އަދި އެކުދިންނަށް ބޭނުނަވާނެ ހުރިހާ އެހީއެއް އެތަނުން ލިބޭގޮތަށް ހަމަޖައްސާނަމެވެ. އެކުދިން ބެލެހެއްޓުމަށް ޙާއްޞާ ނަރުހުން ހަމަޖައްސާނަމެވެ. އެކުދިން މުޖުތަމަޢުއަށާއި މީހުންގެތެރެއަށް ހޭލުންތެރި ކުރުވުމުގެ ގޮތުން ތަފާތު ޕްރޮގްރާމްތައްވެސް ހިންގާނަމެވެ. ނަތީޖާއެއްގެ ގޮތުން އެކުދިން މުޖުތަމަޢުއަށް ލޯހުޅުވި އަޅާލާނެ ބަޔަކު ނެތިފައި މަގުމަތީގައި އުޅޭކަށް ނުޖެހޭނެއެވެ.

އެހީއަށް ބޭނުންވާ ކުދިންނަށް މަރުކަޒެއް އެޅުމުގެ އިތުރުން ދެންކުރަން ބޭނުންވާ އެނެއްކަމަކީ ރަށުގައި ޕްރީސްކޫލްތައް އިތުރުކުރުމެވެ. ރަށުގެ އާބާދީއަށް ބާލާއިރު އެންމެ ޕްރީސްކޫލަކުން ނުފުދެއެވެ. އެހެންކަމުން ޕްރީސްކޫލްތައް އިތުރު ކުރުމުން ގިނަ ކުދިންތަކަކަށް އެތާނގައި ކިޔެވޭނެއެވެ. އަދި ކިޔަވާދޭ ގަޑިތަށްވެސް އިތުރުކުރެވޭނެއެވެ. އަދި އެކުދިންނަށް ތަފާތު ކުޅިވަރުތައް ދަސްކޮށްދޭގޮތަށް ވެސް ހަމަޖައްސާނަމެވެ. މީގެސަބަބުން އެކުދިންނަށް ގިނަ ކުޅިވަރުތަކާއި ފިލާވަޅުތައް ދަސްވެގެންދާނެއެވެ.

ސްކޫލް ލައިބްރަރީ މުއްސަނދި ކުރުމުގެ ގޮތުން ލައިބްރަރީއަށް އިތުރު ވަޞީލަތްތަކާއި ފޮތް އިތުރު ކުރުމަކީވެސް އަޅުގަނޑު ކުރަން ބޭނުންވާ ކަމެކެވެ. ލައިބްރަރީގައި ޖާގަ އިތުރުކޮށް އިންޓަނެޓްގެ ޒަރިއްޔާއިން ފޮތް ކީޔޭ ގޮތަށް ހަމަޖައްސާނަމެވެ. މީގެ އިތުރުން ކުދިނަން ބޭނުންވާނެ މުޙިއްމު ފޮތްތައް ލައިބްރަރީއަށް އިތުރުކުރާނަމެވެ. ދިވެހި ވާހަކަ ފޮތްތަކާއި އިނގިރޭސި ވާހަކަ ފޮތްތައްވެސް އިތުރު ކުރާނަމެވެ. މިގޮތަށް މިކަންތައްތައް ހަމަޖެއްސުމުން ކުދިން ބޭނުންވާނެ ހުރިހާ މަޢުލޫމާތެއް ފޮތުންނާއި އިންޓަނެޓްގެ ޒަރިއްޔާއިން ހޯދޭނެއެވެ.

ސިއްޙީ މަރުކަޒުތަކަށް ބޭނުންވާނެ ވަސީލަތްތަކާއި ހުނަރުވެރި ޑޮކްޓަރުން އިތުރު ކުރުމަކީވެސް އަޅުގަނޑަށް ރަށު ކައުންސިލްގެ ރައީސްކަން ލިބިއްޖެނަމަ ކުރަން ބޭނުންވާ ކަމެކެވެ. ތަފާތު އެކިކަހަލަ ޓެސްޓުތައް ހެއްދޭ ފަދަ މެޝިންތަކާއި އޮޕްރޭޝަންތައް ކުރަން ބޭނުންވާނެ ވަޞީލަތްތަކާއި ހުނަރުވެރި ޑޮކްޓަރުންވެސް އިތުރު ކުރާނަމެވެ. ނަތީޖާއެއްގެ ގޮތުން ބޭސްފަރުވާ ކުރުމަށް ބޭރުޤައުމުތަކަށާއި ކައިރި ރަށްތަކަށް ނުގޮސް ބޭސްފަރުވާގެ ކަންތައް ރަށުން ހަމަޖެހޭނެއެވެ.

ރަށުކައުންސިލްގެ ރައީސްކަން އަޅުގަނޑަށް ލިބިއްޖެނަމަ ރަށް ކުރިއެރުވުމުގެ ގޮތުން ޕްރީސްކޫލްތައް އިތުރު ކުރުމާއި،އެހީއަށް ބޭނުންވާ ކުދިންނަށް އެހީ ފޯރުކޮދިނުމާއި،ސްކޫލް ލައިބްރަރީ އިތުރަށް ތަރައްޤީކުރުމުގެ އިތުރުން ރަށުގެ ސިއްޙީ މަރުކަޒުވެސް އިތުރަށް ތަރައްޤީކުރާނަމެވެ.