ހީވާގި މުދައްރިސެއް

މުދައްރިސުންނަކީ ޤައުމަށްޓަކައި އެތަށް ޚިދުމަތްތަކެއް ކޮށްދެއްވާ ބައެކެވެ. އަދި ދަރިވަރުންގެ ދެވަނަ މައިންބަފައިންވެސްމެއެވެ. އެމީހުންގެ އުފާތައް އެއްކިބާކޮށްލުމަށްފަހު އަބަދުވެސް ތިބެނީ އަހަރެމެންގެ ޚިދުމަތުގައެވެ. މުދައްރިސުންނަކީ ވަރަށް ހީވާގި އަދި ވަރަށް ކެރޭ ބަޔެކެވެ. މި ގޮތުން ހ.އ އިހަވަންދޫ އަންދަލީބުގޭ އާއިޝަތު މަޢުރޫފާޔަކީވެސް ހީވާގި މުދައްރިސެކެވެ.

އަޅުގަނޑު މި ބައަގްރަފީ މިލިޔަނީ އަޅުގަނޑުގެ އެންމެ މަޤްބޫލް މުދައްރިސް ކަމުގައިވާ އާއިޝަތު މަޢުރޫފާޔަ ބެހޭގޮތުންނެވެ. އޭނާ އުފަންވެފައި ވަނީ 1989 ސެޕްޓެމްބަރ 18 ވީ ދުވަހުގެ 8:52 ގައި ހ.އ އިހަވަންދޫ އުޑުވިލާގޭގައެވެ. ދިވެހިގޮތުން ބަލާއިރު އެއީ 18 ސަފަރަ 1410 އެވެ. އުޑުވިލާގެޔައް އުފަންވި ނަމަވެސް މިހާރު އުޅެމުން ދަނީ އަންދަލީބުގޭގައެވެ. އުމުރުން މިހާރު 23 އަހަރާއި 11 މަހައި 17 ދުވަސް ހަމަވެއްޖެއެވެ. އޭނާގެ އާއިލާގައި އެއްބަނޑު އެއްބަފާ 11 މެންބަރުންތިބެއެވެ. އާއިލަގައި ހިމެނޭ މެންބަރުންގެ ތެރެއިން އޭނާއަކީ 7 ވަނައަށް ލިބުނު ދަރިފުޅެވެ. އޭނާޔާ އެއްބަނޑު އެއްބަފާގައި 4 އަންހެން ކުދިންނާއި 7 ފިރިހެން ކުދިން ތިބެއެވެ. އެއީ 2 ދައްތައާއި 4 ބޭބެއާއި 4 ކޮއްކޮއެވެ. މަންމަ އަކީ ހއ. އިހަވަންދޫ ވައިލެޓުވިލާ ހަސަނު ތުއްތުބޭގެ ވަހީދާ އަބޫބަކުރެވެ. ބައްޕަ އަކީ ހއ. އިހަވަންދޫ އުޑުވިލާގޭ އަވަށު އިބުރާހިމް ( އިބުރާހިމް މުހައްމަދު ) ގެ ޢަބްދުއްރަޝީދު އިބުރާހީމް އެވެ. އޭނަގެ ބައްޕައަކީ ކުރިން ވަޑާންކުރިމީހެކެވެ. އޭނާ އޭނާގެ މަންމަ ގެވެހި އަނތްބެއްގެ ގޮތުގައި ސިފަކުރެއެވެ. އޭނާޔަށް އެންމެ މީރު ކެއުމަކީ ފުރައިޑް ނޫޑްލްސްއާއި ޕިއްޒާއެވެ. އެންމެ މީރު ބުއިމަކީ ކުރުނބާ ފަނި އަދި ލެމަނޭޑްއެވެ. އޭނާއަށް އެންމެ ރީތި ވިލުނުކުލައެވެ. އެނާގެ ހުސްވަގުތު ހޭދަކުރަނީ ނޫސްކިޔުމާއި ކުރުވާހަކަ ކިޔުމުގައެވެ. އެންމެ ކަމުދާ ފިލްމީ ތަރިންނަކީ ނިއުމާ އަދި ޔޫއްޕެއެވެ. އެންމެ ކަމުދާ ކުޅުންތެރިޔާއަކީ އަލީ އަޝްފާޤް (ދަނގަޑޭ) އެވެ. އޭނާ އެންމެ ވާން ބޭނުންވަނީ މެރައިން ބައޮލަޖިސްޓަކަށެވެ. އަދި އެންމެ ދާންބޭނުންވަނީ އޮސްޓުރޭލިޔާގެ ގްރޭޓް ބެރިޔަރ ރީފަށެވެ. އޭނާ އެންމެ ކިޔަވާހިތްވަނީ ބައޮލޮޖީ އަދި މެރައިން ބައޮލޮޖީއެވެ. އަދި އެންމެ ކަމުދާ ޓީޗަރުންގެ ތެރޭގައި ހިމެނެނީ ރިޔާޒް ޖައުހަރީ އާއި މަރިޔަމް ނަޝާތްއެވެ. މަދަރުސީ ދައުރު އޭނާ ނިންމާލާފައި ވަނީ ހއ. އިހަވަންދޫ މަދަރުސާއިންނެވެ. 1996 ޖެނުއަރީ 1 ކުން ފެށިގެން 2005 ނޮވެންބަރ 18 ހަމަޔަށް މަދަރުސީ ދައުރު ނިންމާލިއިރު ކިޔެވި މާއްދާތަކުގެ ތެރޭގައި ދިވެހި، އިސްލަމް، ހިސާބު، އިނގިރޭސި، ކެމިސްޓްރީ، ބައޮލޮޖީ، ފިޒިކްސް، އަދި ފިޝަރީސް ސައިންސް ހިމެނެއެވެ. މަތީ ތައުލީމް ހާސިލް ކުރުމަށް އޭނާ ވަނީ 2006 ކުން 2007 ކަށް މޯލްޑިވްސް ކޮލެޖު އޮފް ހަޔަރ އެޑްކޭޝަންއިން ހިންގި 'ފައުންޑޭޝަން ސްޓަޑީސް ލެވެލް' 2 ފުރިހަމަ ކޮށްފައެވެ. އަދި 2008 ކުން 2009 ކަށް މޯލްޑިވްސް ކޮލެޖް އޮފް ހަޔަރ އެޑްކޭޝަންގެ ފެކަލްޓީ އޮފް އެޑުކޭޝަންއިން ހިންގި ޑިޕްލޮމާ އޮފް ޓީޗިން ސެކަންޑަރީ ވެސް ( މެރައިން ބައޮލޮޖީ ) އޭނާ ވަނީ ފުރިހަމަކޮށްފައެވެ. ކޯސްތައް ނިންމާލުމަށް ފަހު ހއ. އިހަވަންދޫ މަދަރުސާގައި ގުރޭޑް 8،9،10 ޔަކަށް ފިޝަރީސް ސައިންސް ކިޔަވައިދެއެވެ. އޭނާބުނި ގޮތުގައި ރަނގަޅު އުޖޫރައެއް ނުލިބުނަސް އެހެން މީހުންނަށް އިލްމު އުނގަންނައިދީ ތަރުބިއްޔަތު ކުރުމުގައި މަސްއޫލްވެ އުޅެވޭތީ ވަރަށް ހިތްހަމަޖެހެއެވެ. 2010 ޑިސެންބަރ 23 ވީ ބުރާސްފަތި ދުވަހު އޭނާ ވަނީ ކައިވެނީގެގޮތުން ހއ. އިހަވަންދޫ ތަރިވިދާގޭ މުހައްމަދު ޞަބާހުއާ ގުޅިފައެވެ. ކައިވެންޏަށް 2 އަހަރާއި 8 މަސް ވެފައިވާއިރު 1 އަހަރާއި 9 މަހުގެ ފިރިހެން ކުއްޖަކުވެސް އޭނާޔަށް ވަނީ ލިބިފައެވެ. އޭނާޔަށް އިހަވަންދޫ މަދަރުސާގެ އެންމެ ފުރަތަމަ ސައިންސް ބެޖުން ކިޔެވުމުގެ ފުރުސަތު ލިބުނެވެ. މަދަރުސީ ދައުރު ނިންމާ ލުމަށް ފަހު މަތީ ތައުލީމް ހާސިލް ކުރުމަށް މާލެ ދިޔުމުގެ ފުރުސަތުވެސް އޭނާޔަށް ލިބުނެވެ. ހަޔާތުގެ ބައިވެރިޔަކަށް އޭނާ އަބަދުވެސް ބޭނުންވި ކަހަލަ ތައުލީމީ ބޭފުޅެއް އޭޔާށް ލިބުނެވެ. އަދި އޭނާގެ މަންމަ ހައްޖައް ފުރުވަން ދިޔަދަތުރުގައި ބައިވެރިވެވުނު ހަމައެކަނި އަންހެން ދަރިޔަށް އޭނާވަނީ ވެފައެވެ. އޭނާގެ ހަޔާތުގެ އުސްއަލިތަކަށް ބަލާލާއިރު މަދަރުސީ ދައުރުގައި ދިވެހި އަދި އިނގިރޭސި ދުވަހުގެ ލިޔުމުގެ ހަރަކާތްތަކުގައި ބައިވެރިވެ އެކި ވަނަތައް އޭނާވަނީ ހޯދާފައެވެ. އެކި ގުރޭޑްތަކުގައި އުޅުނުއިރު މުޅި ކުލާހުން އެކިވަނަތައް ވަނީ އޭނާ ހޯދާފައެވެ. ގުރޭޑް 10 އެއްގައި އުޅުނުއިރު ދިވެހި މާއްދާއިން ހެދި ލުއިފޮތަކަށް 1 ވަނަ އޭނަޔަށް ވަނީ ލިބިފައެވެ. އަދި ލިޔުނު ވާހަކަޔަކަށްވެސް އޭނާޔަށް ވަނީ އެއްވަނަ ލިބިފައެވެ. 10 އެއްގައި އުޅުނުއިރު ހިސާބު މި މާއްދާއިން ފާސްނުވިނަމަވެސް އޯލެވެލް ގައި އޭނާ ވަނީ ހިސާބުން ފާސްވެފައެވެ. އަދި ދިވެހިން ވަނީ އޭޔެއް ލިބިފަޔެވެ. ދިވެހި ކުލަބުގެ މެންބަރެއްގެ މަޤާމާއި ހެލްތު އެންޑު އެންވާރުމެންޓު ކުލަބުގެ ސެކެޓަރީ ކަން އަދި ސީނިޔަރ ޕުރިފެކްޓަރެއްގެ މަޤާމުގައިވެސް އޭނާވަނީ އުޅެފައެވެ. ލިބިފައިވާ ނާކާމިޔާބީތަކަށް ބަލާއިރު މާލޭގައި ތައުލީމް ހާސިލް ކުރި އިރު ސެކަންޑް ޕުރެކްޓިކަލްއިން ފާސްވި ހަމައެކަނި ދެކުދިންގެ ތެރޭގައި ހިމެނިފައި ނުވާކަން ފާހަގަކޮށްލެވެޔެވެ. އަދި މަދަރުސީ ދައުރުގައި ބައިވެރިވެފައިވާ ދިވެހި އަދި އިނގިރޭސި ދުވަހުގެ ހަރަކާތްތަކުން  އޭނާޔަށް އެއްވެސް ވަނަޔެއް ނުލިބިދެއެވެ. ނަމަވެސް ލިބުނު ނާކާމިޔާބީތަކަކީ ކުރިޔައް ދިޔުމަށް ލިބުނު އާހިތްވަރަކަށްވެ ފަސްއެނބުރި ނުބެލުމަށް އަޒުމްކަނޑައަޅައި އެއަޒުމުގައި ކުރިޔަށް ގޮސް ބޭނުންވި ނަތީޖާޔާ ހަމަޔަށް އޭނާޔަށް ވާސިލްވެވުނެވެ. އޭނާ އެންމެ ދެރަވި ދުވަހަކީ އޯލެވެލް އިމްތިހާން ނިމެން އޮތް ދުވަހުގެރޭ މާމަ ވީމަކަމަށް އޭނާބުނެއެވެ. އަދި އޭނާ އެންމެ އުފާވީ މަންމަގެ ހުވަފެންތައް ހަޤީޤަތަކަށް ހެދުމަށް މާލެގޮސް ކިޔަވައިގެން ރަށަށް އާދެވުނު ދުވަހާއި އަދި ދަރިފުޅު ލިބުނު ދުވަހުއެވެ. މި ބައަގްރަފީ ކީޔާ މީހުންނަށާއި ކުދިންނަށް އޭނާ ދޭންބޭނުންވާ މެސެޖަކީ ކޮންމެ ދުވަހަކުވެސް އާ ކަމެއް ދަސްކުރާށެވެ. އަދި ނިމިގެން ދިޔަ ދުވަސްތަކުގައި ހިނގާފައިވާ ކަންތައްތަކުން އިބުރަތް ލިބިގަންނާށެވެ.